જેમાં ખોટી પાર્કિંગ, દસ્તાવેજોની અછત, અનધિકૃત ફેરફાર સહિતના મુદ્દાઓનો સમાવેશ થાય છે. આ તમામ માટે પણ રૂ. 500નો દંડ વસૂલવામાં આવ્યો છે. 25 દિવસમાં 6.26 કરોડ રૂપિયાનું દંડ વસૂલાયાનું સામે આવ્યું છે. આ સમગ્ર ઝુંબેશ દરમિયાન સુરત પોલીસે કુલ રૂ. 6,26,61,500 (6.26 કરોડ રૂપિયા) નો દંડ વસૂલ્યો છે. આ આંકડો પોતે જ દર્શાવે છે કે, શહેરમાં ટ્રાફિક નિયમોનું પાલન કેટલું નબળું છે.
સુરતીઓમાં ચર્ચા અને અસંતોષ
પોલીસનો દાવો છે કે, આ કાર્યવાહીનો મુખ્ય હેતુ માર્ગ અકસ્માતો ઘટાડવાનો છે, પરંતુ બીજી તરફ અનેક સુરતીઓમાં એવો ભાવ છે કે, “અકસ્માત ઘટાડવાના નામે દંડનો વરસાદ થઈ રહ્યો છે.” સોશિયલ મીડિયા પર પણ આ મુદ્દે મિશ્ર પ્રતિભાવ જોવા મળી રહ્યા છે.
આગળ પણ ઝુંબેશ ચાલુ રહેશે
ટ્રાફિક વિભાગે સ્પષ્ટ કરી દીધું છે કે, આવી સ્પેશિયલ ડ્રાઈવ આગામી સમયમાં પણ ચાલુ રહેશે. રોંગ સાઈડ ડ્રાઈવિંગ, સિગ્નલ ભંગ, ઓવરસ્પીડિંગ અને અન્ય નિયમો તોડનારા વાહનચાલકો સામે સ્થળ દંડ, ઈ-ચલણ અને કડક કાયદેસરની કાર્યવાહી કરવામાં આવશે. પોલીસની અપીલ છે કે, વાહનચાલકો સ્વયં જ ટ્રાફિક નિયમોનું પાલન કરે, જેથી દંડથી બચી શકાય અને સૌથી મહત્વનું રસ્તા પર પોતાનો અને અન્યનો જીવ સુરક્ષિત રહી શકે.
